La teksto de la rekomendo pri la propraj nomoj estas publikigita

[mevamevo]

Hodiaŭ oni oficiale publikigis kaj disvastigis la tekston de la Akademia rekomendo pri la propraj nomoj (pri kiu mi jam diskutas en mia antaŭa blogero). En la paĝaro de la Akademio mem ĝi, ŝajne, ankoraŭ mankas, sed oni povas konsulti ĝin en la retejo de "Sezonoj". Viaj kontent- aŭ indign-esprimoj estas tre atendataj :).

Comments

[yury-finkel.livejournal.com]

Laŭ mi, subskribo sub tiu dokumento devus esti ne «Akademio de Esperanto», sed «Kapitano Evidento».

[mevamevo.livejournal.com]

Same evidenta estas, ekzemple, la Fundamenta regulo pri tio, ke ĉiu vorto estas legata tiel, kiel ĝi estas skribita :). Tamen eĉ evidentaj aferoj foje bezonas firman konstaton.

[oldasapujo.livejournal.com]

Pleje inspiras subskribo de la rekomendo:
«La estraro de la Akademio de Esperanto kaj la direktoro de la Sekcio pri Prononco: Christer Kiselman, prezidanto; Brian Moon, vicprezidanto; Probal Dasgupta, vicprezidanto kaj direktoro de la Sekcio pri Prononco; Renato Corsetti, sekretario».
Oni legu: Цхристер Киселман, Бриан Моон...

[mevamevo.livejournal.com]

La rekomendo ja NE forkondamnis tiun manieron de la subskribado ;). Se la subskribintoj decidis, ke la ĝusta prononco de iliaj nomoj por ili ne gravas - nu, tio estas ilia decido. Krome, ni koncedetu (almenaŭ humure), ke la akademianoj estas tiel famaj, ke iliaj nomoj estas konsiderataj kiel universale konataj :).

Ĉu vi vere esperis, ke jam tagon post la akcepto de la rekomendo la E-mondeto tute kaj plene ŝanĝiĝos? Klaras ja, ke ni devos fari ankoraŭ tre longan vojon...

[oldasapujo.livejournal.com]

Nu-u... Tamen ja estus bela paŝo tuj fari ĝuste laŭ sia rekomendo.

[mevamevo.livejournal.com]

Rekomendo ja ne estas devigo. Tamen principe mi konsentas kun vi.