Kiu deliras?

[mevamevo]

Hodiaŭ, kiam mi kontrolis unu malofte vizitatan ret-keston, mi trovis tie la mesaĝon el la retlisto "Ret-Info". Se mi ricevus ĝin en la unua de aprilo, mi tute ne mirus, sed la 28a de junio estas, ŝajne, iom maloportuna tempo por tiel ŝerci. Do, simple legu la suban mesaĝon (mi forigis nur la koncernajn retadresojn) kaj klarigu al mi, kio ĝi estas? Ĉu deliro aŭ iu specifa japana humuro?

От кого: De Ret-Info
Кому: Al mi
Дата: 28 Июн 2010 20:21:19
Тема: ret-info: Atestilo pri parkere scii la himnon


Karaj,

Mi decidis organizi "Societon por parkere kanti la himnon Espero".

Dum longa tempo mi mem ne povis parkere kanti la himnon "Espero". Tio estas tre hontinda afero por esperantistoj, precipe por estraranoj de landaj asocioj kaj por veteranaj esperantistoj. Ni ne dependu de la kongreslibro, kiam ni kantas la himnon en la Inauxguro kaj la Fermo. Ni kantu kun nia vizagxo rekte direktita al la verda standardo. Kiam ni povos kanti la himnon parkere, ni povos havi pli da memfido pri nia Esperanto-kapablo. Ni povos senti, ke ni eniras en pli altan nivelon. Kongresoj estos pli viglaj kun lauxtaj vocxoj. Parkeraj kantadoj certe progresigos la movadon.

Nia oragnizo estu jene:

1. Estraro: (provizore) HORI Jasuo, HOS^IDA Acus^i, TAHIRA Masako (cxiuj estas japanoj) Poste cxiuj landoj havu sian propran estraron.


2. Eldono de atestiloj

A - Ni, tri estraranoj, ekzamenos kandidatojn. Kiam ni konstatas, ke tiuj povas parkere kanti la himnon, ni donas al ili atestilon pri tio.

B. - Tiuj sukcesintoj havas rajton ekzameni aliajn kandidatojn, kaj kiam tiuj sukcesos, laux iliaj rekomendoj la Societo donas al tiuj novaj sukcesintoj la atestilon. Tiamaniere ni plimultigos la sukcesintojn.

C. - Se eblos, ni havos kunsidojn en diversaj kongresoj kaj seminarioj.

Ni atendas vian helpon kaj partoprenon en tiu projekto.


HORI Jasuo (s-ro)
<retadreso>
Poŝta adreso

el [azio]


-----
fonto: Ret-Info
http://www.eventoj.hu

Ĉu eble mi proklamu la fondon de la "Asocio por parkere memori la Esperantan alfabeton"? Aŭ de tiu eĉ pli utila: "Asocio por ĝuste, certe kaj ekzakte scii, kiu estas la iniciatinto de Esperanto"... :)))

Comments

[garikoko.livejournal.com]

Tiu cxi mesagxo aperis en kelkaj internaciaj retlistoj. Ie ecx estis diskuteto pri gxi, se mi ne eraras. Do, Hori Jasuo (suficxe vaste konata esperantisto) tute serioze proponis la aferon.

[mevamevo.livejournal.com]

Mi certe ne tro atente observas la retajn diskutojn, do la sola afero, kiun mi konas, estas ĝuste tiu ĉi mesaĝo. La nomon de Hori Jasuo mi multfoje aŭdis - ĝuste pro tio al mi aperis la dubo, ĉu eble temas pri iu ŝerco. Tamen, se tiel konata aktivulo konscie proponas tiun aferon kaj eĉ serioze esperas, ke "parkeraj kantadoj certe progresigos la movadon" - nu, tio estas tre alarma signalo kaj por tiu aktivulo, kaj por la movado entute... :(

[slvk-q.livejournal.com]

Vi troigas pri viaj alternativaj proponoj.
Nomon de Zamenhof homoj ja kutime scias (kvankam mi povas imagi „progresanton“ kun svagaj scioj pri historio de la lingvo), sed la himnon kvazaŭ plejparto ne scias tute aŭ scias nur du-tri liniojn.

Eble laŭ Hori Jasuo, scio de la himno povus revenigi uzantojn de la lingvo al ĝia idea idealisma kerno. Има нещо вярно.

[mevamevo.livejournal.com]

Slavik, mi rifuzas kredi, ke la supran komenton verkis vi! Relegu la proponojn de la proponinto kaj repripensu, kiel ĉio ĉi aspektas. Tio odoras eĉ ne per sektismo, sed per klara idioteco. Kiamaniere tio povas progresigi la movadon? Kiel la nura parkerado de la himno povas "revenigi" aŭ almenaŭ puŝeti la uzantojn al la interna ideo?

[slvk-q.livejournal.com]

Mi ja ne diras, ke tio povas progresigi la movadon. Mi provas nur kompreni la homon, kiu tion proponas.
Mi nek membras en la nova grupo de Jasuo, nek planas aliĝi, malgraŭ ke mi pli-malpli bone memoras la „himnon“.

» Kiel la nura parkerado de la himno povas "revenigi" aŭ almenaŭ puŝeti la uzantojn al la interna ideo?

Ja teorie tiaj aferoj montras, ke Esperanto estis kreita por noblaj kaj altaj repacigaj celoj, ne nur por najbareca sensignifa babilado pri vetero, kvalito de biero kaj similaj aferoj.
Mi en miaj lecionoj de Esperanto sufiĉe frue montras tekston de „La Espero“, por montri, ke la lingvouzo povas esti ankaŭ tia kaj por frue averti, ke ankaŭ tiaj temoj aperas :)

[mevamevo.livejournal.com]

Ankaŭ mi ne planas aliĝi al tiu stranga asocio, malgraŭ ke mi parkere memoras ne nur la Esperantan kaj la rusan (tr. de S. Vajnblat) tekstojn, sed ankaŭ scipovas ludi la muzikon per piano (nu, kaj, certe, kanti la melodion) :).

Laŭ miaj scioj, la granda plimulto de pli-malpli bonkvalitaj E-lernolibroj kaj kursoj ja nepre parol(et)as kaj pri la historio de la lingvo, kaj pri la pacigaj ideoj de Z. Se iu kurso aŭ lernolibro tute evitas tion - nu, tio estas la problemo de metodiko. Sed ĉiuokaze, mia cerbo obstine rifuzas kompreni, kiamaniere la kreo de similaj acosioj povas ripari la mankojn de la metodiko... :)

[vmel.livejournal.com]

Tamen, Paŝa preskaŭ trafis.
Legu en la revuo "Esperanto", majo 2010, p. 105 - kion plian tute serioze proponas la altestimata japana samideano.
Tion eĉ Gonĉarov ne proponus.

Маразм крепчал...

[mevamevo.livejournal.com]

Aha, legokapabliga sumoo. Kiam mi legis pri tio, mi ja iom ridetis, sed la projekto pri la himno-kantado estas, LMMO, nekompareble pli senutila kaj freneza.

[slvk-q.livejournal.com]

Не сложилось у меня с этим журналом, не читаю его :)

[mevamevo.livejournal.com]

На, почитай:

[slvk-q.livejournal.com]

Nu estas unu el la lokaj manieroj legigi kaj lernigi esperantistaron.
Vi estas gramatikisto, tradukanto, artisto, redaktoro kaj multo utila por la Esperanta medio; sed plejparto de tiu popolo legas aliĝilojn kaj scias parkere du-tri versojn el iu lernokanteto. Por motivigi progreson ĉe tiaj когнитивно простых ekzistas diversaj lokaj manieroj; ankaŭ la rusia movado praktikis aferojn kiel „rakontu ajnan versaĵon parkere kaj havu centrublan kvindolaran rabaton“ (mi memoras, ke ĉiuj lernis „Ho mia kor'“).

Eble ne estas ioj, pri kio ĝuste tiu revuo ĝuste en tia stilo skribu, sed per si mem ne estas ia aparte maladekvata aŭ senutila ideo.

[mevamevo.livejournal.com]

Ja povas esti, ke mi kaj Valentin (mi modeste alkalkulu ankaŭ min al la grupo de "kulturaj" esperantistoj) simple ne kapablas kompreni la bezonon pri tiaj metodoj. Tamen, la fakto mem ke oni publikigas tiajn ideojn en tiel granda ĵurnalo kaj alvokas al la serioza pritrakto de similaj ag-manieroj, ve, atestas kiel vera signo de degenero (se ne de la movado entute, do, certe - de la organizado aparte). Almenaŭ de tiu vidpunkto, LMMO, ne indas peni ripari la ekzistantajn mankojn per tiel rekte simplaj metodoj - tio, laŭ mi, povas faligi la movadon eĉ en pli profundan abismon de primitivismo. Eble mi eraras...

[maksimo.livejournal.com]

Verŝajne ĝi jam falis en la abismon, kiu nomiĝas pigro kaj malaltnivela porĉiama lingvo-luktado kun ondoŝvelo, kie la agantoj imagas sin heroo kontraŭ akvomontegoj.

La metodo ŝajnas simila al trompaĵo por infanetoj. Ion similan mi povas elpensi ke jam vidis dum lernado en la unua-tria lernojaro en t.n. "prooktobra steletularo". Kiu tralegis tri paĝojn el (porekzemple) "La magiisto el Smeralda urbo" kaj povas rerakonti la enhavon, do ricevas la steleton sur murа listo de la steletularo.

[mevamevo.livejournal.com]

Jes, vere, bona analogio. Kiu kapablas kanti himnon - tiu ricevas glaciaĵon, kiu nur havas hejme la Fundamentan Krestomation - tiu meritas ordenon ktp...

Ne forlasu vian shanсon!!!

[bukvodel.livejournal.com]

Ne forlasu la shanсon -- nun vi povas igi la estaro de la "Societo por parkere kanti la himnon Espero" de tuta Ukrainio.

Kaj ankaw disvastigi Esperanton. Imagu kiom da homoj decidos esperantighi kiam ili vidos esperantistoj kantantaj la himnon parkere.

Re: Ne forlasu vian shanсon!!!

[mevamevo.livejournal.com]

:)))))

Mi pigras rapidi. Esperanto venkos eĉ malgraŭ la "helpo" de la himno-kantantoj :)

Re: Ne forlasu vian shanсon!!!

[slvk-q.livejournal.com]

Sed kiam ĝi ja finfine venkos, estos pretaj la homoj, kiuj ornamos la okazon per kantado.

Re: Ne forlasu vian shanсon!!!

[mevamevo.livejournal.com]

Ho, jes, tio estos vere agrabla aldonaĵo al la Fina Venko! :)

Увековечил

[slvk-q.livejournal.com]

Ты меня вдохновил написать об этом великом человеке (http://slavik.babil.komputilo.org/bio/hori.html).

Re: Увековечил

[mevamevo.livejournal.com]

Фигассе! Даже я там упомянут! Dankon! ;)

Ну, видишь, сколько продуктивности из моей критики вышло, благодаря твоему участию :).

[miram.livejournal.com]

Ie mi legis ke fruaj instrukcioj por naci-socialistaj agitantoj enhavis la punkton, lau kiu provoj hxorkanti la himnon devis esti cxesigataj, cxar neniu konas la plenan tekston.

Persone, mi trovas "parkere" multe pli facila ol "kanti".

[mevamevo.livejournal.com]

Mi vidas neniun ligon inter la nazia okazaĵo kaj nia afero, sed ĉiuokaze tiu lasta daŭre aspektas por mi ege stranga.